📌 №5 педагогикалық кеңес отырысы өткізілді.

 №5 педагогикалық кеңес отырысы өткізілді.

“Дулат”негізгі орта мектебінде №5 педагогикалық кеңес отырысы жоғары деңгейде ұйымдастырылып, күн тәртібіндегі өзекті мәселелер жан-жақты талқыланды.

Кеңес жұмысына мектеп директоры Г.Кулаева жетекшілік етті. Сондай-ақ, директордың оқу жұмысы жөніндегі орынбасары Қ.Ағайдарова, бастауыш оқу жұмысы жөніндегі орынбасары Г.Абдирасилова, тәрбие жұмысы жөніндегі орынбасары М.Жапбаркулова өз бағыттары бойынша есеп беріп, атқарылған жұмыстарға талдау жасады.

Жиын барысында 4-ші  оқу тоқсанының үлгерім қорытындысы мен оқу бағдарламасының орындалу деңгейі сараланып, 5 және 8 сыныптардың қорытынды емтихандарына дайындық жұмыстары қарастырылды. 

Күн тәртібіне сәйкес  үздік  оқушылардың тізімі нақтыланып, пән апталықтары мен олимпиада нәтижелері бойынша мониторинг жүргізілді.

 Педагогтардың біліктілігін арттыру, аттестаттау үдерісі, сондай-ақ білім сапасын арттыру мен олқылықтардың орнын толықтыру бағытындағы жұмыстар кеңінен қамтылды.

Тәрбие саласы бойынша «Адал азамат» бағдарламасының жүзеге асырылуы, қауіпсіздік сабақтарының өтілуі, ата-аналармен байланыс және «Даналық мектебі» жұмысының барысы да назардан тыс қалмады.

Педагогикалық кеңес – ұжымның бірлігі мен кәсіби дамуын айқындайтын маңызды алаң. Ортақ мақсат жолындағы жүйелі жұмыс – сапалы білімнің кепілі.