ТӨТЕНШЕ ЖАҒДАЙДЫҢ АЛДЫН АЛУ ЕРЕЖЕЛЕРІ 1️⃣ Өрт қауіпсіздігі

 ТӨТЕНШЕ ЖАҒДАЙДЫҢ АЛДЫН АЛУ ЕРЕЖЕЛЕРІ

 Өрт қауіпсіздігі

Электр құрылғыларын пайдаланбаған кезде міндетті түрде сөндіріңіз.

Розеткаларды шамадан тыс жүктемеңіз.

Үйде жанып кеткен иіс, түтін сезсеңіз – бірден сөндіру және тексеру.

Балаларға сіріңке мен жанғыш заттарды ұстатпаңыз.

Жылыту құралдарын перделерден, жанғыш заттардан алыс ұстаңыз.

Ұйқыға жатар алдында барлық электр құрылғыларын, газ плитасын тексеріңіз.

 Газ қауіпсіздігі

Газды қолданған кезде бөлмені міндетті түрде желдетіңіз.

Газдың иісі шықса – газды дереу жабыңыз, терезені ашыңыз, жарық қоспаңыз!

Газ плитасы мен қазандықтың техникалық жағдайын үнемі бақылап отырыңыз.

Өз бетінше жөндемеңіз – тек маман шақырыңыз.

 Электр қауіпсіздігі

Су тиген қолмен электр құрылғысына жоламаңыз.

Зақымдалған сымдар мен құрылғыларды қолдануға тыйым салынады.

Ұзартқыштарды бір-біріне жалғамаңыз.

Электр желісіндегі ұшқын, түтін байқасаңыз – дереу ажыратыңыз және мамандарға хабарлаңыз.

 Су қауіпсіздігі

Су құбырында ақау байқасаңыз – дереу мамандарға хабарлаңыз.

Электр құрылғыларын суға жақын жерде қолданбаңыз.

Жуыну бөлмесінде сырғымайтын төсем қолдану ұсынылады.

Суға түсу кезінде қауіпсіздік талаптарын сақтаңыз, балаларды қараусыз қалдырмаңыз.

 Жұмыс орнындағы қауіпсіздік

Мекемеде бекітілген қауіпсіздік техникасы нұсқаулығын қатаң орындаңыз.

Апат белгілерін байқасаңыз – бірден басшылыққа немесе қауіпсіздік қызметіне хабарлаңыз.

Жұмыс орнын таза, жинақы ұстаңыз.

Өрт сөндіргіштің қолдану әдісін біліңіз.

 Табиғи апат кезіндегі ережелер

Жер сілкінісі кезінде – үстел астына тығылыңыз, терезеден алыс тұрыңыз.

Дауыл кезінде – сыртқа шықпаңыз, электр бағандарынан аулақ болыңыз.

Су тасқыны кезінде – биік жерге шығыңыз, электр қуатын ажыратыңыз.

 Әрекет ету тәртібі

Әрқашан 112 – Төтенше жағдайлар қызметінің нөмірін біліңіз.

Апат белгілері немесе қауіпті жағдайды байқасаңыз – дереу хабарлау қажет.

«Білмеймін» немесе «өтер» деп немқұрайдылық таныту – қайғылы жағдай себептерінің бірі.

 Қайғылы жағдайдың алдын алу – әр адамның қырағылығында!