"ҚАУІПСІЗ БАЛАЛЫҚ ШАҚ"

"ҚАУІПСІЗ БАЛАЛЫҚ ШАҚ"

”Дулат негізгі орта мектебінде” мектеп директорының қатысуымен «Қауіпсіз балалық шақ» концепциясы бойынша жиналыс өткізілді.

Жиналысқа мектеп психологы , әлеуметтік педагог  сынып жетекшілер қатысты.

Жиынның негізгі мақсаты – оқушылардың өмір қауіпсіздігін сақтау, құқық бұзушылықтың алдын алу, балалардың құқықтарын қорғау және тәрбиелік жұмысты жетілдіру бағыттарын айқындау болды.

 Кездесу барысында балалардың мектеп пен үй арасындағы қауіпсіздігін қамтамасыз ету, кәмелетке толмағандар арасындағы құқық бұзушылықтың алдын алу, интернет кеңістігіндегі  киберқауіпсіздік мәселелері кеңінен талқыланды.

 Сонымен қатар ата-ана мен мектеп арасындағы өзара ынтымақтастықты нығайту, тәрбиелік іс-шараларды жүйелі ұйымдастыру, әр баланың жеке қауіпсіздігін қамтамасыз етуге бағытталған ұсыныстар айтылды.

 Мектеп директоры Г.Кулаева  сынып жетекшілерге  балалардың мінез-құлқына назар аудару, бос уақытын тиімді ұйымдастыру және қауіпті жағдайлардың алдын алу бойынша нақты ұсыныстар берді.

 Жиналыс соңында балалардың қауіпсіз әрі жайлы ортада білім алып, жан-жақты дамуына жағдай жасау – мектеп пен ата-ананың ортақ міндеті екендігі атап өтілді.