https://www.facebook.com/permalink.php?story_fbid=pfbid02WrGrMEYMuji6jN2hSjCUovVFWGkhteBXsQVaiNknohkbsgWUb75psAHVT1Fx6WNnl&id=100072585913108

 ЖАҚСЫЛЫҚ ЖҮРЕКТЕН БАСТАЛАДЫ ҚАЙЫРЫМДЫЛЫҚ АКЦИЯСЫ  

"Дулат негізгі орта мектебінде”02.03.2026ж әлеуметтік педагог Д.Бекетауова мен 3 “Ә” сынып жетекшісі А.Оразбаевның ұйымдастыруымен 

Қасиетті Рамазан айы – мейірім мен қайырымдылықтың, сабыр мен сауаптың айы. Осы ізгілікке толы кезеңде мектебімізде адамгершілік құндылықтарды дәріптеу, оқушылардың бойына жанашырлық пен қамқорлық қасиеттерін сіңіру мақсатында «Жақсылық жүректен  басталады"атты  қайырымдылық акциясы өтті.

 Акцияға 3-сынып оқушылары белсене қатысып, мұқтаж жандарға қолдау көрсету үшін азық-түлік, киім-кешек және күнделікті тұрмысқа қажетті заттарды жинады. Әрбір оқушы қолдан келген көмегін көрсетіп, сауапты іске өз үлесін қосты.

 Бұл шара – тек көмек көрсету ғана емес, сонымен қатар жас ұрпақтың жүрегіне мейірім ұялату, үлкенге құрмет, кішіге қамқор болу, қоғам алдындағы жауапкершілікті сезіндірудің жарқын үлгісі болды.

 Бірлік пен ынтымақтың арқасында көптеген игі істер атқарылып, отбасыларға қуаныш сыйланды.

 Жақсылық жасау – адам бойындағы ең асыл қасиет. Осындай игі бастамалар алдағы уақытта да жалғасын тауып, қайырымдылық дәстүрі кеңінен өріс алады деп сенеміз.

Баршаңызды жақсылық жасауға шақырамыз!

Жүрегіміз мейірімге, ісіміз берекеге толы болсын!