«Ер есімі-ел есінде»

Түркістан облысы, Ордабасы ауданы білім бөлімінің “Дулат”негізгі орта мектебінде  «Адал азамат» біртұтас тәрбие бағдарламасы аясында 2026 жылдың 4 мамыр күні 7-мамыр Отан қорғаушылар күні және 9-мамыр Жеңіс күніне орай маңызды іс-шара өтті.

5-сынып жетекшісі Б.Орынбек  «Ер есімі-ел есінде» тақырыбында салтанатты тәрбие сағатын ұйымдастырды.

Іс-шара барысында:

Ерлікке тағзым: Соғыс ардагерлері мен тыл еңбеккерлерінің ерен ерлігі паш етіліп, майдан даласынан оралмаған боздақтар мен батырлар бір минуттық үнсіздікпен еске алынды.

Бейбіт күннің қадірі: Бүгінгі ашық аспан мен тыныш өмірдің сол батырлардың жанқиярлығының арқасы екені оқушылар санасына ұялатылды.

Болашаққа аманат: Жеңіс күні — өткенге тағзым, бүгінге шүкіршілік, ал болашаққа асыл аманат екендігі атап өтілді.

Мақсаты: Оқушыларды отансүйгіштікке тәрбиелеу, батырларымыздың ерлігін үлгі ете отырып, елжандылық қасиеттерін қалыптастыру және бейбітшіліктің қадірін білуге баулу.