«Қысқы каникулда кітап оқимыз!»

 «Қысқы каникулда кітап оқимыз!»

”Дулат негізгі орта мектеп” кітапханасында "Балалар кітапханасы жобасы" аясында қысқы каникул күндері оқушыларды ерекше рухани мерекеге шақырады. Ақ ұлпа қар жамылған қыстың шуақты сәттерінде кітапхана – жылулық пен білімнің ордасына айналады.

Қысқы демалыс – тек тынығу ғана емес, кітаппен сырласатын, ойды байытатын, қиялды самғататын алтын уақыт. Осы мақсатта мектеп кітапханасында «Қысқы каникулда кітап оқимыз» тақырыбында арнайы кітап көрмелері ұйымдастырылып, қызықты әдебиеттер оқырман назарына ұсынылды.

 Ертегілер әлеміне саяхат,

 Тартымды әңгімелер мен хикаяттар,

 Танымдық әрі тәрбиелік кітаптар –

бәрі-бәрі оқушыларды бей-жай қалдырмайды.

Кітапханаға келген әрбір оқушы жылулыққа толы тыныш ортадан шабыт алып, жаңа білімге құштарлықпен оралады. Кітап оқу – қыстың ұзақ кештерін мәнді етіп, жүрекке нұр, санаға серпін береді.

 Кітап оқыған – озады, ойы тереңдейді!