"Қазақ тілді мектептерде орыс тілін оқыту қажет пе?" тақырыбында мектепішілік дебат турнирі өтті.

17.04.2026ж. күні ЖШС «Дулат» негізгі орта мектебінде «Адал азамат» біртұтас тәрбие бағдарламасының "Ұшқыр ой алаңы" жобасы аясында  7–8 сынып оқушылары арасында "Қазақ тілді  мектептерде орыс  тілін оқыту қажет пе?" тақырыбында мектепішілік дебат турнирі өтті.

 Дебат барысында оқушылар өз ойларын еркін жеткізіп, сыни тұрғыда ойлау, дәлел келтіру және пікірталас мәдениетін жоғары деңгейде көрсете білді.

7-сынып оқушылары – үкімет тарапы, ал 8-сынып оқушылары – оппозиция ретінде қатысып, өз ұстанымдарын жан-жақты қорғады.

Тартысты әрі мазмұнды өткен пікірсайыс қорытындысы бойынша төреші шешімімен оппозициялық палата жеңіске жетті.

Барлық қатысушыларға белсенділіктері үшін алғыс білдіреміз! Осындай зияткерлік сайыстар оқушылардың ой-өрісін кеңейтіп, көшбасшылық қабілеттерін дамытуға үлкен үлес қосады.