«АДАЛ АТА-АНА - ҚАУІПСІЗ БАЛАЛЫҚ ШАҚ»

Түркістан облысы Ордабасы ауданы  ЖШС «Дулат» негізгі  орта мектебінде «Қауіпсіз балалық шақ» жобасы аясында «АДАЛ АТА-АНА - ҚАУІПСІЗ БАЛАЛЫҚ ШАҚ» тұжырымдамасы аясында оқушылардың қауіпсіздігі мен тәртіпті сақтау, саналы әрі тәрбиелі ұрпақ қалыптастыру мақсатында 2026 жылы 13 мамыр күні «Адал ата-ана - қауіпсіз балалық шақ» тақырыбында біріңғай  ата-аналар жиналысы өткізілді.

Жиналыс барысында оқушылардың жазғы демалыс кезінде өмірі мен денсаулығын сақтау, оларды түрлі қауіп-қатерлерден алдын ала сақтандыру және қауіпсіз мінез-құлық дағдыларын қалыптастыру туралы айтылды.

  Сонымен қатар жол қауіпсіздігі, судағы  қауіпсіздік ережелері, өрт қауіпсіздігі, интернет желісіндегі қауіпсіздік шаралары туралы ата-анаға түсіндірме жұмыстары жүргізілді. 

Мектеп әкімшілігі оқушылардың қауіпсіздігін қамтамасыз ету, құқықтық тәртіпті сақтау және ата-аналарға артық қаржылық салмақ түсірмеу мақсатында түсіндіру шараларын ұйымдастырды.

Білім беру ұйымдарында:

— заңсыз ақша жинауға;

— мектептен тыс мейрамханаларда, кафелерде бастауышты бітіру кештерін өткізуге;

— қымбат сыйлықтар беруге және алуға қатаң тыйым салынатындығы ескертілді. Жазғы демалыс кезіндегі бала қауіпсіздігі ата-ана жауапкершілігінде,  бала өмірі- басты құндылық.